"Манчестер Юнайтед"нинг 37 ёшли португалиялик ҳужумчиси Криштиану Роналду ижтимоий тармоқларда жамоасининг Англия чемпионати 3-тури доирасидаги "Ливерпуль" устидан қозонган ғалабасига (2:1) бағишланган постни чоп этди.
"Яхши бажарилган иш! Қўллаб-қувватлаганингиз учун, "Олд Траффорд"га келган барчага раҳмат", - деган Роналду.
Кечаги баҳсда Криштиану 86-дақиқада майдонга тушди. "Манчестер Юнайтед" ушбу ғалаба эвазига турнир жадвалида сўнгги ўриндан 14-поғонага кўтарилишга муваффақ бўлди. Кейинги турда манкунианликларнинг рақиби "Саутгемптон" бўлади, ўйин 27 август, шанба куни бўлиб ўтади.
