"Vest Xem" "Bryugge" yarim himoyachisi Xans Vanaken uchun yangi taklif bilan chiqdi, deya xabar beradi jurnalist Fabrisio Romano.
Ingliz klubi 29 yoshli belgiyalik uchun 11 million yevro to‘lashga tayyor. Qo‘shimcha bonus to‘lovlari ham shartnomada belgilanishi mumkin.
"Bryugge" avvalroq "Vest Xem"ning futbolchini 10 million yevroga sotib olish taklifini rad etgandi.
O‘tgan mavsumda yarim himoyachi Belgiya klubi safida 50ta o‘yin o‘tkazib, 15ta gol va 12ta golga assistentlik qilgan, shuningdek, 2ta sariq kartochka olgan.













