"Tottenxem" klubi "Atalanta" va Ukraina terma jamoasi yarim himoyachisi Ruslan Malinovskiyning transferi borasida kelisha olmayapti, deb xabar beradi Sky Sports.
Manbaga ko‘ra, ingliz klubi futbolchi uchun talab qilinadigan 20 million yevroni to‘lashga tayyor emas. "Shporlar" 30 yoshdan oshgan futbolchilar uchun ortiqcha pul to‘lamaslik siyosatiga ega. Shu tariqa, "Atalanta"ning transferi uchun moliyaviy talablar pastroq bo‘lishi kerak.
29 yoshli Malinovskiy joriy mavsumda “Atalanta” safida ikkita o‘yin o‘tkazib, bitta gol urdi va bitta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.
