"Roma" hujumchisi Feliks Afena-Gyan "Kremoneze" klubiga o‘tishga yaqin turibdi. Bu haqda jurnalist Nikolo Skira xabar tarqatmoqda.
Manbaga ko‘ra, kelishuv 7 million yevroni tashkil qiladi. Muzokaralar yakuniy bosqichda. Klublar o‘rtasidagi kelishuvda "Roma"ning 19 yoshli futbolchisini qaytarib sotib olish varianti mavjud emas.
Italiya OAVlari Afena-Gyanning ketishi "Roma"ning Andrea Belotti bilan yaqin orada shartnoma imzolashi bilan bog‘liq deb hisoblaydi. 19 yoshli ganalik futbolchi o‘yin vaqti bundan ham kamroq bo‘lishini tushunadi, shuning uchun u bu transferni amalga oshishiga tayyor.
Eslatib o‘tamiz, 2021 yilning kuzida Afena-Gyan bilan esda qolarli voqea yuz bergandi. Hujumchi A Seriya doirasidagi “Jenoa”ga qarshi o‘yinda dubl qayd etdi, buning uchun “bo‘rilar” bosh murabbiyi Joze Mourinyo shaxsan unga 800 yevro evaziga krossovka sovg‘a qilgandi.
2021/22 yilgi mavsumda Afena-Gyan "Roma"ning asosiy jamoasi safida barcha musobaqalarda 22 ta o‘yinda maydonga tushib, 2 ta gol urgan.
