Haqiqiy lider!

Mirror nashrining xabar berishicha, o‘tgan hafta oxirida "qizil iblislar" "Brentford"ga 4:0 hisobida mag‘lub bo‘lganidan keyin Erik ten Xag o‘z o‘yinchilariga 12,8 km yugurishni buyurgan va o‘zi ham ular bilan birga yugurgan.

"Brentford"ga qarshi halokatli o‘yindan bir kun o‘tib, ten Hag jazo sifatida o‘z o‘yinchilari uchun dam olish kunini bekor qildi va ularni uzoq masofaga yugirishga majbur qildi.

Mirror xabariga ko‘ra, ten Xag aybning bir qismini o‘z zimmasiga oldi va o‘yinchilarning yugurishiga qo‘shildi.

Nashrga bergan intervyusida klubdagi manba shunday dedi:

“Futbolchilar "Brentford"da muvaffaqiyatsizlikka uchraganliklari uchun jazo 8,5 milya yugurish bo‘lishini bilib, g‘azablanishdi. Ammo murabbiy ham xuddi shunday qilishni rejalashtirgani ma’lum bo‘lgach, shikoyatlar to‘xtadi”.

Manba davom etdi:

“U buning sababini hech kimga aytmasligi kerak edi. U o‘yindagi barcha ayblarni o‘z o‘yinchilariga yuklamasligi aniq edi. Ten Xag o‘zini ham aybdor his qilayotganini ko‘rsatishi kerakligini his qildi. Bu jazo o‘yinchilar uchun juda og‘ir bo‘ldi, ammo Erikning harakatiga ular qoyil qolishdi.

Bu katta jismoniy kuch talab qilgandir, ammo bu murabbiyning zamonaviy futbolchi psixologiyasini yaxshi tushunishini ko‘rsatdi. "Liverpul"ga qarshi o‘yinda u futbolchilarni o‘zi singdirmoqchi bo‘lgan shiddat zarurligiga ishontira olganini ko‘rish mumkin edi".

APL 3-turida “Manchester Yunayted” nihoyat “Liverpul” ustidan 2:1 hisobida g‘alaba qozondi. Bu jamoaning joriy chempionatdagi ilk g‘alabasi edi.

Qizig‘i, “MYU” Yurgen Klopp jamoasiga qarshi jami 109,4 km masofani bosib o‘tdi – bu “asalarilar”ga qarshi o‘yindagidan deyarli 14 km ko‘p.