Ҳақиқий лидер!
Mirror нашрининг хабар беришича, ўтган ҳафта охирида "қизил иблислар" "Брентфорд"га 4:0 ҳисобида мағлуб бўлганидан кейин Эрик тен Хаг ўз ўйинчиларига 12,8 км югуришни буюрган ва ўзи ҳам улар билан бирга югурган.
"Брентфорд"га қарши ҳалокатли ўйиндан бир кун ўтиб, тен Ҳаг жазо сифатида ўз ўйинчилари учун дам олиш кунини бекор қилди ва уларни узоқ масофага югиришга мажбур қилди.
Mirror хабарига кўра, тен Хаг айбнинг бир қисмини ўз зиммасига олди ва ўйинчиларнинг югуришига қўшилди.
Нашрга берган интервюсида клубдаги манба шундай деди:
“Футболчилар "Брентфорд"да муваффақиятсизликка учраганликлари учун жазо 8,5 миля югуриш бўлишини билиб, ғазабланишди. Аммо мураббий ҳам худди шундай қилишни режалаштиргани маълум бўлгач, шикоятлар тўхтади”.
Манба давом этди:
“У бунинг сабабини ҳеч кимга айтмаслиги керак эди. У ўйиндаги барча айбларни ўз ўйинчиларига юкламаслиги аниқ эди. Тен Хаг ўзини ҳам айбдор ҳис қилаётганини кўрсатиши кераклигини ҳис қилди. Бу жазо ўйинчилар учун жуда оғир бўлди, аммо Эрикнинг ҳаракатига улар қойил қолишди.
Бу катта жисмоний куч талаб қилгандир, аммо бу мураббийнинг замонавий футболчи психологиясини яхши тушунишини кўрсатди. "Ливерпуль"га қарши ўйинда у футболчиларни ўзи сингдирмоқчи бўлган шиддат зарурлигига ишонтира олганини кўриш мумкин эди".
АПЛ 3-турида “Манчестер Юнайтед” ниҳоят “Ливерпуль” устидан 2:1 ҳисобида ғалаба қозонди. Бу жамоанинг жорий чемпионатдаги илк ғалабаси эди.
Қизиғи, “МЮ” Юрген Клопп жамоасига қарши жами 109,4 км масофани босиб ўтди – бу “асаларилар”га қарши ўйиндагидан деярли 14 км кўп.
