Yarim himoyachi Ander Errera "PSJ"ni tark etdi.
Jurnalist Loik Tanzining xabar berishicha, 33 yoshli futbolchi klub bilan shartnomasini bekor qilishga rozi bo‘lgan.
Yarim himoyachi faoliyatini “Atletik”da davom ettiradi. U 2011 yildan 2014 yilgacha ushbu jamoada o‘ynagan.
Errera 2019/20 yilgi mavsum oldidan “Manchester Yunayted”dan “PSJ”ga o‘tgan edi. Parij klubi bilan birgalikda u jami yettita sovrinni qo‘lga kiritdi, jumladan, ikki marta Fransiya chempionati.