"Vulverxempton" bosh murabbiyi Bruno Laje "Arsenal"ning "bo‘rilar" vingeri Pedru Netuga bildirayotgan qiziqishi haqida fikr bildirdi. Eslatib o‘tamiz, futbolchini "kanonirlar" ustozi Mikel Artetaning shaxsan o‘zi jamoada ko‘rmoqchi.
"Ha, men "Arsenal"ning Netuga qiziqishi haqida eshitganman, ammo biz haligacha hech qanday taklif olganimiz yo‘q. Qiziqish bildirish odatiy hol, ammo hech kim menga aniq takliflar haqida hech narsa aytmadi, shuning uchun men hech narsani tasdiqlay olmayman", - dedi Laje matbuot anjumanida.
Eslatib o‘tamiz, "Vulverxempton" Netuni taxminan 60 million yevroga baholagan. "Arsenal" "bo‘rilar"ga taklif bilan chiqishdan oldin birinchi navbatda Nikolas Pepe bilan xayrlashmoqchi.
