"Вулверхэмптон" бош мураббийи Бруно Лаже "Арсенал"нинг "бўрилар" вингери Педру Нетуга билдираётган қизиқиши ҳақида фикр билдирди. Эслатиб ўтамиз, футболчини "канонирлар" устози Микель Артетанинг шахсан ўзи жамоада кўрмоқчи.
"Ҳа, мен "Арсенал"нинг Нетуга қизиқиши ҳақида эшитганман, аммо биз ҳалигача ҳеч қандай таклиф олганимиз йўқ. Қизиқиш билдириш одатий ҳол, аммо ҳеч ким менга аниқ таклифлар ҳақида ҳеч нарса айтмади, шунинг учун мен ҳеч нарсани тасдиқлай олмайман", - деди Лаже матбуот анжуманида.
Эслатиб ўтамиз, "Вулверхэмптон" Нетуни тахминан 60 миллион еврога баҳолаган. "Арсенал" "бўрилар"га таклиф билан чиқишдан олдин биринчи навбатда Николас Пепе билан хайрлашмоқчи.
