"Paxtakor" stadioni majlislar zalida klub rahbariyati hamda jamoaning ashaddiy ishqibozlari o‘rtasida uchrashuv bo‘lib o‘tdi.
Unda jamoaning kelgusidagi rejalari, klub faoliyati, stadionga muxlislar tashrifini ko‘paytirish, buning uchun qilinishi kerak bo‘lgan ishlar, ishqibozlarga barcha qulay sharoitlarni yaratish, keytering xizmatini yaxshilash, o‘yinlar reklamasi va targ‘ibotini kuchaytirish borasida holatlar muhokama etildi.
Muxlislar o‘zlarini qiziqtirayotgan turli masalalar yuzasidan klub raisi o‘rinbosari Dilshod Karimov va bosh direktor Dmitriy Adisman bilan fikr almashishdi. Dilshod Karimov tez orada muxlislar bilan ishlash va ularga qulay sharoitlar yaratish borasida klub tomonidan tayyorlangan maxsus dastur ishga tushishi haqida ma’lumot berib, bunday uchrashuvlar shu jihat borasida klubga zarur bo‘lgan ma’lumot olishda yordam berishini ta’kidladi.
