"Ayaks" hujumchisi Brayan Brobbi "Manchester Yunayted"ga o‘tishi mumkin bo‘lganini tasdiqladi, ammo uning o‘rniga "RB Leypsig"dan Amsterdam klubiga qaytishni afzal ko‘rdi.
“Men “Ayaks”ga qaytishni juda xohlardim. Erik men bilan yana ishlashni xohladi, u menga transferga tayyormanmi yoki yo‘qligimni bilish uchun yozgan. Lekin men unga xushmuomalalik bilan minnatdorchilik bildirdim va “Ayaks”ga qaytishni xohlayotganimni aytdim. Do‘stlarim shu yerda, “Ayaks”ning o‘yin uslubi menga yoqadi”, — dedi Brobbi Voetbal International nashriga.
Joriy mavsumda 20 yoshli hujumchi Niderlandiya chempionatining 3 ta uchrashuvida 1 ta gol urdi va 2 ta golli uzatmani amalga oshirdi.
