"PSJ" yozgi transfer oynasi tugaguniga qadar himoyachi Abdo Diallodan qutulishi mumkin. Footmercato xabariga ko‘ra, senegallik futbolchiga bir qancha klublar, jumladan, "Vest Xem" va "Roma" da’vogarlik qilmoqda.
Insayderlarning fikricha, "PSJ" Dialloni doimiy ravishda qo‘yib yubormoqchi va Parij klubining asosiy umidlari Angliya Premyer-ligasi klublari, xususan, Londonning "Vest Xem" klubining uzoq muddatli takliflari bilan bog‘liq. Shu bilan birga, "Roma" ham futbolchi atrofidagi vaziyatni kuzatib bormoqda va agar senegallik transferini hech kim yakunlamasa, transfer oynasining so‘nggi kunlarida majburiy sotib olish imkoniyati bilan ijara shartnomasini taklif qilishni rejalashtirmoqda.
Abdu Diallo o‘tgan mavsumda Fransiya 1-ligasida 12 ta o‘yinda maydonga tushdi. Uning hisobida bitta golli uzatma bor. Transfermarkt futbolchini 18 million yevroga baholamoqda.
