O‘zbekiston U-19 terma jamoasi Yaponiyadagi xalqaro turnir doirasida o‘z ishtirokini boshladi. Farhod Nishonov boshqaruvidagi jamoa Yaponiyaning "Shizuoka" klubiga qarshi maydonga tushdi.

Qizqiqarli kechgan uchrashuvning asosiy vaqti 3:3 hisobidagi jangovar durang bilan yakunladi. Vakillarimiz dastlab 2ta to‘p farqi bilan ortda qolayotgan holda raqiblarga yetib olishgan bo‘lsa, mezbonlar 82-daqiqada uchinchi to‘pni kiritishdi. O‘yin tugashiga 3 daqiqa qolganida esa yoshlarimiz hisobni tenglashtirishga muvaffaq bo‘lishdi.

Reglamentga ko‘ra, o‘yin durang bilan yakunlangani uchun penaltilar seriyasiga navbat berildi. Unda O‘zbekiston U-19 terma jamoasi 4:3 hisobida g‘alaba qozondi. Natijada jamoamiz 2 ochkoga, "Shizuoka" esa 1 ochkoga ega bo‘ldi.

Terma jamoamiz keyingi bahslarda Yaponiya va Urugvay yoshlar jamoalariga qarshi maydonga tushishadi.

«SBS Cup» (U-19)
«Shizuoka» - O‘zbekiston U19 - 3:3. Penaltilar seriyasi — 3:4
Gollar: Ey Gyotoku (18ʼ), Ryuta Takaxashi (47ʼ), Keysuke Goto (82ʼ), — Mahmud Jo‘raboyev (52ʼ), Nodirbek Abdurazzoqov (68ʼ), Muhammadali Usmonov (87ʼ).