"Arsenal" himoyachisi Ektor Belyerin "Betis"dan taklif kutib, boshqa klublarga o‘tishdan bosh tortmoqda. Eslatib o‘tamiz, futbolchi Ispaniya klubida o‘tgan mavsumda ijara asosida o‘ynagan.
Estadio Deportivo nashri xabariga ko‘ra, Belyerin faoliyatini davom ettirish bo‘yicha bir nechta takliflar olgan, ammo "Betis"ga o‘tish uchun barcha klublar taklifini rad etgan.
Avvalroq, Belyeringa "Barselona" klubi ham qiziqish bildirayotgani haqida xabar tarqalgandi. Ispaniyalik futbolchi "ko‘k-anorranglilar" tarbiyalanuvchisi sanaladi.
