"Chelsi" bosh murabbiyi Tomas Tuxel yarim himoyachi Ngolo Kante kamida bir oy maydonga tusha olmasligini aytdi. Eslatib o‘tamiz, fransiyalik futbolchi Angliya Premyer-ligasining 2-turi doirasidagi "Tottenxem"ga qarshi o‘yinning ikkinchi bo‘limida jarohat olgan edi.
“Kante bir oydan ko‘proq vaqtni o‘tkazib yuboradi. Kovachichga kelsak, Mateo jamoa bilan mashg‘ulot o‘tkazdi. O‘ylaymanki, u taxminan 20 daqiqa o‘ynashga tayyor", - dedi Tuxel matbuot anjumanida.
Ertaga “Chelsi” APLning yangi mavsumida hali birorta ham g‘alaba qozona olmagan “Lester”ni qabul qiladi. "
