“Shturm” hujumchisi Rasmus Xoylunn faoliyatini Italiyada davom ettirishi mumkin.

Jurnalist Fabrisio Romano ma’lumotiga ko‘ra, "Atalanta" 19 yoshli daniyalikni o‘z safiga qo‘shib olmoqchi. Transfer summasi 17 million yevroni tashkil qiladi.

Rasmusning amaldagi shartnomasi 2026 yilgacha mo‘ljallangan. Transfermarkt portali futbolchining narxini 4,5 million yevroga baholamoqda.

Joriy mavsumda Xoylunn barcha musobaqalarda 8 ta o‘yinda maydonga tushib, 6 ta gol urdi va 3 ta golli uzatmani amalga oshirdi.