"Milan" "Shalke" himoyachisi Malik Tiavani o‘z safiga qo‘shib oladi, deya xabar beradi jurnalist Janluka Di Marsio.
Manba bergan xabarga ko‘ra, 21 yoshli germaniyalik 28 avgust, yakshanba kuni Milana yetib keladi va dushanba kuni "rossonerilar" bilan shartnoma imzolaydi.
Joriy mavsumda himoyachi gelzenkirxenliklar safida Bundesliganing uchta o‘yinida qatnashdi va samarali harakatlari bilan ajralib turmadi. Uning klub bilan shartnomasi 2024 yilning 30 iyuniga qadar mo‘ljallangan.
Transfermarkt portali Tiavaning narxini olti million yevroga baholamoqda.