"Liverpul" "Barselona" yarim himoyachisi Frenki de Yongni sotib olishga urinmadi.
Yurgen Klopp jamoasi o‘rta chiziqda o‘yinchilar yetishmasligi bilan jiddiy muammoga duch keldi, buni murabbiyning o‘zi bir necha bor ta’kidladi, shu munosabat bilan matbuotda yarim himoyachi "Liverpul"ga o‘tishi mumkinligi haqida mish-mishlar tarqaldi. Biroq, nufuzli insayder Fabrisio Romanoning so‘zlariga ko‘ra, "Liverpul" De Yong borasida Kataloniya klubi bilan aloqaga chiqmagan.
25 yoshli yarim himoyachi uzoq vaqtdan beri "Manchester Yunayted" va "Chelsi"ga o‘tishi mumkinligi haqida xabarlar tarqalgan edi, ammo u "Barselona"da qoladiganga o‘xshaydi.
