Jurnalist Nikolo Skiraning xabar berishicha, "Portu" va "Marsel" "Yuventus" yarim himoyachisi Artur Meloga da’vogarlar safida.
Joriy transfer oynasida 26 yoshli braziliyalik futbolchiga “Arsenal”, “Roma” va “Valensiya” klublari ham qiziqish bildirayotgan edi.
Melo "Yuventus"ga 2020 yilda "Barselona"dan o‘tgan. Futbolchining amaldagi shartnomasi 2025 yilda yakuniga yetadi. Transfermarkt portali futbolchining narxini 18 million yevroga baholamoqda.
O‘tgan mavsumda yarim himoyachi "Yuventus" safida barcha turnirlarda 31 ta o‘yinda maydonga tushib, 1 ta golli uzatmani amalga oshirgan.
