“Seltik” Shotlandiya chempionatida “Dandi Yunayted”ni mag‘lub etdi (9:0). Yaponiyalik hujumchi Kego Furuxashi tomonidan xet-trik qayd etildi.

Shu tariqa, “Seltik” Shotlandiya chempionati tarixidagi eng yirik g‘alabani takrorladi. Bu yutuqni 2010/11 yilgi mavsumda "Aberdin"ni 9:0 hisobida mag‘lub etgan "Seltik"ning o‘zi o‘rnatgan.

Shu bilan birga, "Seltik"ning bu g‘alabasi Shotlandiya chempionatida mehmondagi eng yirik g‘alaba bo‘ldi.

Bu holatda jamoa o‘z natijasini ortda qoldirdi - 2005/06 yilgi mavsumda "Seltik" «Danfermlin Atletik»ni mehmonda 8: 1 hisobida mag‘lub etgandi.