"Chelsi" yarim himoyachisi Kalum Xadson-Odoining "Bayer"ga transferi muvaffaqiyatsiz bo‘lishi mumkin edi.
Sky Sports nashri xabariga ko‘ra, nemis klubi ijara shartnomasiga sotib olish variantini kiritmoqchi bo‘lgan, biroq, "ko‘klar" bunga rozi bo‘lmagan. Bir paytlar muzokaralar boshi berk ko‘chaga kirib qolgandek tuyuldi, ammo “dorishunoslar” baribir “Chelsi”ning shartlariga rozi bo‘lishdi.
Eslatib o‘tamiz, Xadson-Odoi jarohati tufayli o‘tgan mavsum yakunini o‘tkazib yuborgan edi. Ayni damda Tomas Tuxel angliyalik futbolchini o‘z jamoasida ko‘rmayapti, lekin shu bilan birga, ijaradan qaytgan Kallum tarkibdan joy olishi uchun kurasha olishini ham istisno etmayapti.
Xadson-Odoi - "Chelsi" tarbiyalanuvchisi sanaladi. 2019 yilda "Bavariya" futbolchiga faol qiziqish bildirgan, ammo transfer amalga oshmagan.
