"Barselona" hujumchisi Pyer-Emerik Obameyang qurolli o‘g‘irlikka uchradi, deb xabar beradi El Pais polisiyadagi manbalarga tayanib.

Manbaga ko‘ra, taxminan to‘rt kishi gabonlik hujumchining uyi yaqinidagi bog‘ga kirib, futbolchini kaltaklagan, so‘ng uni va uning rafiqasiga qurol bilan tahdid qilgan. Bosqinchilar Obameyangning seyfidan taqinchoqlarni o‘g‘irlab, mashinada qochib ketishgan.

Avvalroq, joriy transfer oynasining so‘nggi kunlarida hujumchi klubi ro‘yxatini o‘zgartirishi mumkinligi haqida xabar berilgandi.