"Kristal Pelas" bosh murabbiyi Patrik Viyeyra "Chelsi" yarim himoyachisi Konor Gallaxerning transferi borasida izoh berishdan bosh tortdi.
Eslatib o‘tamiz, angliyalik futbolchi o‘tgan mavsumda "burgutlar" safida ijara asosida o‘ynagan va Premyer-ligada 8 ta gol urishga muvaffaq bo‘lgandi.
"U "Chelsi" futbolchisi. Bunday vaziyatda nimadir haqida gapirish qiyin" - dedi Viyeyra matbuot anjumanida.
Viyeyra avvalroq agar "Kristal Pelas" Gallaxerni qaytarish imkoniyatiga ega bo‘lsa, klub buni albatta ko‘rib chiqishini aytgan edi. Britaniyaning The Times nashri bugun "burgutlar" Konor uchun 32 million yevro taklif qilgani haqidagi ma’lumotni e’lon qildi. Biroq, "Chelsi" futbolchini o‘zida saqlab qolmoqchi.
