"Barselona" Jerar Pike va Serxi Busketsning maoshlarini kamaytirmaslikka qaror qildi.

Kataloniya klubi avvalroq butun klubning maosh fondini qisqartirish maqsadida futbolchilarning maoshini kamaytirmoqchi bo‘lgan, ammo hozirda bu borada futbolchilar bilan muzokara qilishdan bosh tortgan.

Gap shundaki, “Barselona” rahbariyati klubning hozirgi holatiga, ayniqsa himoyachi Jyul Kundeni ro‘yxatdan o‘tkazish jarayoni yakunlanganidan so‘ng hamda hujumchi Pyer-Emerik Obameyangning sotilishi ehtimolini hisobga olgan holda, optimistik qarashda.

Xabar qilinishicha, "Barsa" 2022/23 yilgi mavsumda Pikega maosh va kechiktirilgan to‘lovlar uchun 52 million yevro qarzdor bo‘lgan.