"Manchester Siti" Dortmundning "Borussiya" klubi himoyachisi Manuel Akanjini sotib olishga yaqin turibdi, deb xabar beradi The Athletic.
Bitim summasi 17,5 million yevroga baholanmoqda. Akanjining "Borussiya" bilan shartnomasi 2023 yilning yoziga qadar mo‘ljallangan.
27 yoshli shveysariyalik nemis klubiga 2018 yilda "Bazel"dan ko‘chib o‘tgandi. U o‘tgan mavsumda jamoa safida barcha musobaqalarda 36 ta o‘yinda maydonga tushdi.
Biroq joriy mavsumda Akanji hali rasmiy uchrashuvlarda maydonga tushmadi.













