"Lester" markaziy himoyachisi Uesli Fofana "Chelsi"ga o‘tishga yaqin turibdi.

London klubi fransiyalik futbolchining jismoniy holatiga to‘liq ishonmadi, chunki u jiddiy jarohat tufayli o‘tgan mavsumning muhim qismini o‘tkazib yubordi.

Fabrisio Romanoning so‘zlariga ko‘ra, ba’zi shubhalarga qaramay, 21 yoshli futbolchi Nyu-Yorkdagi tibbiy ko‘rikning yakuniy qismidan hech qanday muammosiz o‘tdi.

Tez orada himoyachi rasman “Chelsi”ga yangi kelgan futbolchi sifatida tanishtiriladi. «Lester» Uesli Fofanni sotishdan taxminan 85 million yevro ishlab oladi. “Tulkilar” tarkibida futbolchi 52 ta o‘yin o‘tkazib, bitta gol urgan.