Hozirda o‘z vatanida «Santos» sharafini himoya qilayotgan «Barselona» va «PSJ» sobiq hujumchisi Neymar 2022 yilgi Jahon chempionatidan chiqib ketgan paytlarini yodga oldi. O‘shanda Mundialning chorak finalida «selesao» penaltilar seriyasida Xorvatiyaga imkoniyatni boy bergan edi.
«Men o‘z dafn marosimim qanday ko‘rinishda bo‘lishini ko‘rgandek bo‘ldim. Kichkina xonada edim va u yerga yaqinlarim kirib kelishardi. Barchaning ko‘zida yosh, hech kim gapirmasdi. Hamma shunchaki menga tikilib turardi. Men o‘zimni tobut ichida turgandek his qildim», — deya futbolchining so‘zlarini keltirmoqda Globo.
Neymar 2025 yilning yanvaridan beri «Santos»da to‘p surmoqda. Joriy yilda hujumchi oltita uchrashuvda maydonga tushib, uchta gol va uchta golli uzatmaga mualliflik qildi.













