"Roma" bosh murabbiyi Joze Mourinyo Italiya chempionatining 4-turida "Monsa" jamoasiga qarshi o‘yinda (3:0) zaxiraga olingan Paulo Dibala bilan bo‘lgan muloqot haqida gapirdi.
Argentinalik futbolchi almashtirilgach, Mourinyo unga yaqinlashdi va ular kulib yuborishdi.
"O‘tgan mavsumda u "Yuventus" tarkibida "Olimpiko"ga tashrif buyurganida va zaxiraga olinganida men unga: "Juda yaxshisan, yigit", degandim. Bugun esa men unga xuddi shu gapni aytdim. Uning shu stadionda gol urganini ikkalamiz ham eslab kuldik.
Ko‘pincha jamoada yakkalanib qolgan iste’dodlar bo‘ladi, lekin Paulo jamoa bilan va jamoa uchun o‘ynaydigan ajoyib iste’dod. U himoyada o‘ynashga o‘rganmagan bo‘lsada, himoyaga ham yordam beradi", - dedi Mourinyo DAZN bilan suhbatda.
"Monsa" bilan o‘yinda Dibala ikkita gol urdi. “Roma” 10 ochko bilan Italiya chempionatida peshqadamlik qilmoqda.
Keyingi turda rimliklar 4 sentyabr kuni mehmonda “Udineze”ga qarshi bahs olib boradi.
