"Рома" бош мураббийи Жозе Моуриньо Италия чемпионатининг 4-турида "Монца" жамоасига қарши ўйинда (3:0) захирага олинган Пауло Дибала билан бўлган мулоқот ҳақида гапирди.
Аргентиналик футболчи алмаштирилгач, Моуриньо унга яқинлашди ва улар кулиб юборишди.
"Ўтган мавсумда у "Ювентус" таркибида "Олимпико"га ташриф буюрганида ва захирага олинганида мен унга: "Жуда яхшисан, йигит", дегандим. Бугун эса мен унга худди шу гапни айтдим. Унинг шу стадионда гол урганини иккаламиз ҳам эслаб кулдик.
Кўпинча жамоада яккаланиб қолган истеъдодлар бўлади, лекин Пауло жамоа билан ва жамоа учун ўйнайдиган ажойиб истеъдод. У ҳимояда ўйнашга ўрганмаган бўлсада, ҳимояга ҳам ёрдам беради", - деди Моуриньо DAZN билан суҳбатда.
"Монца" билан ўйинда Дибала иккита гол урди. “Рома” 10 очко билан Италия чемпионатида пешқадамлик қилмоқда.
Кейинги турда римликлар 4 сентябр куни меҳмонда “Удинезе”га қарши баҳс олиб боради.
