"Leypsig" "PSJ" himoyachisi Abdu Dialloga qiziqish bildirmoqda.
Insayder Fabrisio Romano xabariga ko‘ra, nemis klubi allaqachon 26 yoshli futbolchini transfer qilish bo‘yicha taklif bilan chiqqan. Endi himoyachini sotib olish imkoniyati bilan ijaraga olish muhokama qilinmoqda.
Avvalroq, Diallo "PSJ"dan "Milan"ga o‘tishdan bosh tortgani haqida xabar berilgandi.
Senegallik futbolchi 2019 yildan buyon fransuz klubida o‘ynab kelmoqda. Bu vaqt ichida u jamoa safida barcha musobaqalarda 75 ta o‘yin o‘tkazib, 4 ta golli uzatmani amalga oshirgan.
Dialloning amaldagi shartnomasi 2024 yilning 30 iyuniga qadar tuzilgan. Transfermarkt portali futbolchini 18 million yevroga baholamoqda.













