"Лейпциг" "ПСЖ" ҳимоячиси Абду Диаллога қизиқиш билдирмоқда.
Инсайдер Фабрицио Романо хабарига кўра, немис клуби аллақачон 26 ёшли футболчини трансфер қилиш бўйича таклиф билан чиққан. Энди ҳимоячини сотиб олиш имконияти билан ижарага олиш муҳокама қилинмоқда.
Аввалроқ, Диалло "ПСЖ"дан "Милан"га ўтишдан бош тортгани ҳақида хабар берилганди.
Сенегаллик футболчи 2019 йилдан буён француз клубида ўйнаб келмоқда. Бу вақт ичида у жамоа сафида барча мусобақаларда 75 та ўйин ўтказиб, 4 та голли узатмани амалга оширган.
Диаллонинг амалдаги шартномаси 2024 йилнинг 30 июнига қадар тузилган. Transfermarkt портали футболчини 18 миллион еврога баҳоламоқда.
