O‘zbekiston U18 terma jamoasi bugun Chernogoriya U18 jamoaciga qarshi ikkinchi o‘rtoqlik o‘yinida ishtirok etdi. Chernogoriyada bo‘lib o‘tgan mazkur bahsda Rauf Inileev shogirdlari 0:2 hisobida imkoniyatni boy berishdi.

Mezbonlar bahsning 34 va 43-daqiqalarida darvozamizga 2 marta yo‘l topishgan bo‘lsa, ikkinchi bo‘limda vakillarimiz javob to‘pini kiritish uchun imkon topa olishmadi.

Eslatib o‘tamiz, bundan ikki kun avval bo‘lib o‘tgan dastlabki o‘rtoqlik uchrashuvida o‘zbekistonliklar 3:1 hisobida g‘alaba qozonishgandi. O‘shan o‘yindan keyin Chernogoriya U18 terma jamoasi bosh murabbiyi Slobodan Draskovich jamoamizni maqtagandi.

Endi Rauf Inileev jamoasi Vengriyaga ko‘chib o‘tadi. Jamoamiz 6 va 8 sentyabr kunlari ushbu yurt yoshlar jamoasiga qarshi o‘rtoqlik o‘yinlarini o‘tkazadi.

O‘rtoqlik o‘yini.
Chernogoriya U18- O‘zbekiston U18 - 2:0 (2:0)

6-sentyabr
Vengriya — O‘zbekiston

8-sentyabr
Vengriya — O‘zbekiston