"Manchester Yunayted" bosh murabbiyi Erik ten Xag APLning 5-turida "Lester"ni mag‘lub etganidan so‘ng (1:0) klubning transfer kampaniyasini yuqori baholadi.

- "Manchester Yunayted"ning transfer kampaniyasini qanday baholaysiz?

- Bizga yaxshi tarkib, futbolchilar kerak, bizni oldinda ko‘plab o‘yinlar kutib turibdi. Qachonki Ronaldu va Kazemiro yaxshi bo‘lsa, biz yaxshiroq bo‘lamiz. Bizga shunchaki yaxshi jamoa emas, kuchli tarkib kerak. Keyingi mashg‘ulotlardan so‘ng Antoni yakshanba kuni o‘ynashga tayyormi yoki yo‘qligini bilib olamiz.

- Jamoangizning APL beshinchi turidagi g‘alabasini qanday baholadingiz?

- Biz yaxshi jamoaviy ruhni namoyish etdik. Maydonda o‘n bitta o‘yinchi o‘z jamoadoshlarining har biri uchun kurash olib bordi va ular chiroyli gol urishdi. Biz ba’zi pozisiyalarni yaxshilashimiz kerak, ammo mavsumning ushbu bosqichida hammasi joyida, deydi ten Xag.