"Budyo-Glimt" hujumchisi Ola Solbakken Italiya chempionatiga o‘tadi. Insayder Nikolo Skiraning yozishicha, "Roma" norvegiyalik futbolchining yangi klubi bo‘ladi.

Amaldagi klubi bilan shartnomasi yil oxirida yakuniga yetadigan 23 yoshli futbolchi qishki transfer oynasida tekinga “bo‘rilar” safiga qo‘shiladi. Solbakken rimliklar bilan 2027 yilgacha mo‘ljallangan uzoq muddatli shartnoma imzolaydi. Uning maoshi bir million yevroni tashkil qiladi.

Hujumchi o‘tgan mavsumda 25 ta o‘yinda maydonga tushib, 8 ta gol va 6 ta golli uzatmaga mualliflik qilgan.