"Будё-Глимт" ҳужумчиси Ола Сольбаккен Италия чемпионатига ўтади. Инсайдер Николо Скиранинг ёзишича, "Рома" норвегиялик футболчининг янги клуби бўлади.
Амалдаги клуби билан шартномаси йил охирида якунига етадиган 23 ёшли футболчи қишки трансфер ойнасида текинга “бўрилар” сафига қўшилади. Сольбаккен римликлар билан 2027 йилгача мўлжалланган узоқ муддатли шартнома имзолайди. Унинг маоши бир миллион еврони ташкил қилади.
Ҳужумчи ўтган мавсумда 25 та ўйинда майдонга тушиб, 8 та гол ва 6 та голли узатмага муаллифлик қилган.
