Premyer-liga va boshqa kuchli beshlikdagi Yevropa chempionatlari o‘rtasida haqiqiy moliyaviy jarlik ochildi. Yevropaning eng ko‘p maosh sarflaydigan 50 klubi reytingini ko‘rib chiqamiz.
Ingliz klublari joriy yozda yangi xarajat rekordini o‘rnatdi, klublar transferlar uchun taxminan 1,9 milliard funt sterling sarflashdi, bu Ispaniya La Ligasi, Italiya A Seriyasi va Germaniya Bundesligasini qo‘shib hisoblagandanda ko‘proq.
Shu bilan birga, Yevropaning barcha “katta beshlik” ligalari, jumladan, Fransiyaning chempionatini ham o‘z ichiga olgan yalpi xarajatlar 52 foizga oshib, 3,88 milliard funt sterlingni tashkil qildi.
Planet Football kompaniyasining FBref ma’lumotlariga asoslangan tadqiqoti shuni ko‘rsatadiki, eng ko‘p maosh to‘laydigan 50 ta klubdan 18 tasi Premyer-liga jamoalaridir.
Shu bilan birga, Lionel Messi, Kilian Mbappe va Neymar harakat qiladigan parijliklar reytingda yetakchilik qilmoqda, parijliklar yiliga maosh uchun 351,3 million funt sarflashadi.
Fransiya chempionlaridan keyin ikki ispan grandi – “Barselona” (300,1 million funt) va “Real” (241,3 million funt) klublari yetakchilik qilmoqda. So‘nggi mavsumlarda Germaniya chempioni "Bavariya" to‘rtinchi o‘rinda, nemislar maosh uchun yiliga 241,3 million funt sterling sarflashadi.
"Manchester Yunayted" Premyer-ligadagi barcha jamoalarni ortda qoldirib, reytingda beshinchi o‘rinni egallab turibdi. “Qizil iblislar” maosh uchun 223 million funt sarflashadi.
“Chelsi” (164,4 million funt), “Manchester Siti” (163,1 million funt) va “Liverpul” (141,8 million funt) ham eng ko‘p maosh to‘laydigan jamoalar o‘ntaligiga kirgan.
Eng ko‘p maosh to‘laydigan 15 klub ro‘yxati:
1. «PSJ» – 351,3 mln funt sterling;
2. «Barselona» – 300,1 mln funt sterling;
3. «Real Madrid» – 241,3 mln funt sterling;
4. «Bavariya» Myunxen – 230,2 mln funt sterling;
5. «Manchester Yunayted» – 223 mln funt sterling;
6. «Chelsi» – 164,4 mln funt sterling;
7. «Manchester Siti» – 163,1 mln funt sterling;
8. «Atletiko» Madrid – 148,4 mln funt sterling;
9. «Liverpul» – 141,8 mln funt sterling;
10. «Yuventus» – 136,7 mln funt sterling;
11. «Inter» – 108,6 mln funt sterling;
12. «Tottenxem» – 101,3 mln funt sterling;
13. «Vilyarreal» – 85,6 mln funt sterling;
14. «Arsenal» – 85,5 mln funt sterling;
15. «Borussiya» Dortmund – 81,4 mln funt sterling;
