Memfis Depay o‘yin vaqti kam bo‘lishiga qaramay "Barselona"ni tark etish niyatida emas.
Yevropaning top 5 ligasida transfer oynasi yopilishiga oz vaqt qolganda hujumchi "Barselona"ni tark etmasligini ma’lum qildi.
Memfis hozir ham xuddi shunday pozisiyaga amal qilmoqda. Depay La Liganing joriy mavsumida umuman maydonga tushmaganiga qaramay, hujumchi transfer oynasi ochiq bo‘lgan mamlakatlar klublari takliflarini ko‘rib chiqmoqchi emas, deb xabar beradi Diario Sport.
Mavsum oldidan Depay ko‘pincha Robert Levandovski o‘rniga zaxiradan maydonga tushdi, biroq La Liganing 4-turi doirasida "Sevilya"ga qarshi o‘yinda (3:0) Xavi polyakni almashtirgach, Ansu Fatini maydonga qo‘yishni afzal ko‘rdi.
Memfis ular endi "Barselona" hujumidagi oltinchi tanlov ekanini tushunib turibdi. Shunga qaramay, hujumchi hech bo‘lmaganda qishki transfer oynasigacha Kataloniya klubida qolmoqchi. Depay Xavini hali ham tarkibdan joy olishi mumkinligiga ishontirishga harakat qiladi.
O‘tgan mavsumda hujumchi "Barsa" safida 38 o‘yinda 13 ta gol urdi.
