"Manchester Siti" hujum chizig‘i yetakchisi Erling Xoland jamoasining Chempionlar ligasini muvaffaqiyatli boshlagani haqida fikr bildirdi.

Birinchi turda “shaharliklar” safarda Ispaniyaning “Sevilya” jamoasini 4:0 hisobida mag‘lub etishdi. Norvegiyalik to‘purar o‘z hisobiga ikkita gol yozdirib qo‘ydi.

“Chempionlar ligasi qaytdi. Men bu turnirni yaxshi ko‘raman”, - deb post qoldirdi 22 yoshli norvegiyalik hujumchi o‘zining ijtimoiy tarmoqlardagi sahifasida.

Chempionlar ligasining 2-turida Xosep Gvardiola shogirdlari o‘z maydonida Dortmundning "Borussiya" jamoasi bilan to‘qnash kelishsa, parallel o‘yinda "Kopengagen" "Sevilya"ni qabul qiladi. Ikkala uchrashuv ham 14 sentyabr kuni bo‘lib o‘tadi.