"Манчестер Сити" ҳужум чизиғи етакчиси Эрлинг Холанд жамоасининг Чемпионлар лигасини муваффақиятли бошлагани ҳақида фикр билдирди.
Биринчи турда “шаҳарликлар” сафарда Испаниянинг “Севилья” жамоасини 4:0 ҳисобида мағлуб этишди. Норвегиялик тўпурар ўз ҳисобига иккита гол ёздириб қўйди.
“Чемпионлар лигаси қайтди. Мен бу турнирни яхши кўраман”, - деб пост қолдирди 22 ёшли норвегиялик ҳужумчи ўзининг ижтимоий тармоқлардаги саҳифасида.
Чемпионлар лигасининг 2-турида Хосеп Гвардиола шогирдлари ўз майдонида Дортмунднинг "Боруссия" жамоаси билан тўқнаш келишса, параллел ўйинда "Копенгаген" "Севилья"ни қабул қилади. Иккала учрашув ҳам 14 сентябрь куни бўлиб ўтади.
