“Tottenxem” murabbiyi Antonio Konte braziliyalik hujumchi Risharlisonning Chempionlar ligasi guruh bosqichining 1-tur uchrashuvida Fransiyaning “Marsel” klubiga qarshi o‘yini haqida o‘z fikrlari bilan o‘rtoqlashdi. “Shporlar” 2:0 hisobida g‘alaba qozonishdi, ikkala gol ham jamoaning yangi o‘yinchisi tomonidan kiritildi.
"Risharlison shartnoma imzolash chog‘ida Chempionlar ligasida o‘ynashni xohlayotganini aytganini eslayman. Agar futbolchi shunday desa, demak, uning kayfiyati va o‘ynashga bo‘lgan ishtiyoqi katta", — deya ma’lum qiladi UEFA matbuot xizmati italiyalik murabbiyning so‘zlarini.
