“Тоттенхэм” мураббийи Антонио Конте бразилиялик ҳужумчи Ришарлисоннинг Чемпионлар лигаси гуруҳ босқичининг 1-тур учрашувида Франциянинг “Марсель” клубига қарши ўйини ҳақида ўз фикрлари билан ўртоқлашди. “Шпорлар” 2:0 ҳисобида ғалаба қозонишди, иккала гол ҳам жамоанинг янги ўйинчиси томонидан киритилди.
"Ришарлисон шартнома имзолаш чоғида Чемпионлар лигасида ўйнашни хоҳлаётганини айтганини эслайман. Агар футболчи шундай деса, демак, унинг кайфияти ва ўйнашга бўлган иштиёқи катта", — дея маълум қилади УEФА матбуот хизмати италиялик мураббийнинг сўзларини.
