"Liverpul" himoyachisi Virjil van Deyk Chempionlar ligasi guruh bosqichining birinchi o‘yinida "Napoli"ga qarshi o‘yinda jamoasining yirik hisobdagi mag‘lubiyati haqida fikr bildirdi. Eslatib o‘tamiz, "mersisaydliklar" safarda 1:4 hisobida mag‘lub bo‘lgandi.
“Biz birlashamiz va bir-birimizni barmog‘imiz bilan ko‘rsatmaymiz. Hamma biladiki, hamma ham yaxshiroq o‘ynay oladi. Biz robot emasmiz, qo‘limizdan kelganini qilishga harakat qilamiz, ammo yomon lahzalar bo‘lib turadi" - dedi van Deyk o‘yindan keyin bergan intervyusida.
"Liverpul" Angliya Premyer-ligasidagi navbatdagi o‘yinini o‘z maydonida "Vulverxempton" jamoasiga qarshi o‘tkazadi. Yurgen Klopp jamoasi ayni damda turnir jadvalida yettinchi o‘rinda bormoqda.
