"Ливерпуль" ҳимоячиси Виржил ван Дейк Чемпионлар лигаси гуруҳ босқичининг биринчи ўйинида "Наполи"га қарши ўйинда жамоасининг йирик ҳисобдаги мағлубияти ҳақида фикр билдирди. Эслатиб ўтамиз, "мерсисайдликлар" сафарда 1:4 ҳисобида мағлуб бўлганди.
“Биз бирлашамиз ва бир-биримизни бармоғимиз билан кўрсатмаймиз. Ҳамма биладики, ҳамма ҳам яхшироқ ўйнай олади. Биз робот эмасмиз, қўлимиздан келганини қилишга ҳаракат қиламиз, аммо ёмон лаҳзалар бўлиб туради" - деди ван Дейк ўйиндан кейин берган интервьюсида.
"Ливерпуль" Англия Премьер-лигасидаги навбатдаги ўйинини ўз майдонида "Вулверхэмптон" жамоасига қарши ўтказади. Юрген Клопп жамоаси айни дамда турнир жадвалида еттинчи ўринда бормоқда.
