"Chelsi"ning yangi bosh murabbiyi Grem Potter klubning asosiy tarkib futbolchilari bilan bir necha uchrashuvlar o‘tkazdi. Jurnalist Ben Jeykobsning so‘zlariga ko‘ra, angliyalik murabbiy jamoasi uchun qiyin pallada kiyinish xonasini tartibga keltirishga harakat qilmoqda.
Manbaga ko‘ra, Potter o‘yinchilarga uning eshiklari ular uchun doim ochiq bo‘lishini tushuntirgan. Murabbiy har bir futbolchi o‘zini ko‘rsatish imkoniyatiga ega bo‘lishini aniq aytdi.
Eslatib o‘tamiz, avvalroq Tomas Tuxel "Chelsi" bosh murabbiyligidan bo‘shatilgan edi. Potter "Chelsi" bilan yiliga 15 million yevro maosh evaziga 5 yillik shartnoma imzoladi. "Chelsi"ga kelishdan oldin Grem "Brayton"ni muvaffaqiyatli boshqargan, u Premyer-ligada 6 ta dastlabki turdan so‘ng to‘rtinchi o‘rinda bormoqda.
