"Челси"нинг янги бош мураббийи Грэм Поттер клубнинг асосий таркиб футболчилари билан бир неча учрашувлар ўтказди. Журналист Бен Жейкобснинг сўзларига кўра, англиялик мураббий жамоаси учун қийин паллада кийиниш хонасини тартибга келтиришга ҳаракат қилмоқда.
Манбага кўра, Поттер ўйинчиларга унинг эшиклари улар учун доим очиқ бўлишини тушунтирган. Мураббий ҳар бир футболчи ўзини кўрсатиш имкониятига эга бўлишини аниқ айтди.
Эслатиб ўтамиз, аввалроқ Томас Тухель "Челси" бош мураббийлигидан бўшатилган эди. Поттер "Челси" билан йилига 15 миллион евро маош эвазига 5 йиллик шартнома имзолади. "Челси"га келишдан олдин Грэм "Брайтон"ни муваффақиятли бошқарган, у Премьер-лигада 6 та дастлабки турдан сўнг тўртинчи ўринда бормоқда.
