Rossiya terma jamoasi va Moskvaning “Dinamo” klubi yarim himoyachisi Arsen Zaxaryan hamon Londonning “Chelsi” klubi qiziqishlari doirasida. Ijtimoiy tarmoqlarda insayder Fabrisio Romanoning yozishicha, londonliklar 19 yoshli futbolchining o‘yinlarini kuzatishda davom etmoqda.
Jurnalistning ta’kidlashicha, avgust oyida London klubi futbolchi bilan shaxsiy shartnomasi shartlari bo‘yicha kelishuv bo‘lgan. Transfer amalga oshmaganiga shartnoma uchun pul o‘tkazish bilan bog‘liq muammo sabab bo‘ldi.
Katta ehtimol bilan "Chelsi" yanvardagi transfer oynasida Arsenning transferini amalga oshirishga harakat qiladi. Londonliklar rossiyalik uchun 15 million yevro sarflashga tayyor.
