Belarus chempionatining 20-turida «Energetik-BGU» klubi o‘z maydonida «Neman»ni qabul qilib, qiyin g‘alabani qo‘lga kiritdi.

Bahsning 38-daqiqasida Bobur Abduxoliqov jarima maydoni tashqarisidan chiroyli zarba bilan hisobni ochdi. Bu o‘zbekistonlik futbolchining joriy mavsumdagi 20-goli bo‘ldi.

Ikkinchi bo‘lim avvalida esa mehmonlar hisobni tenglashtirishga muvafaq bo‘lishdi. O‘yinga qo‘shib berilgan daqiqalar endi boshlangan paytda Abduxoliqovning uzatmasidan keyin Abduqodir Husanov yakkama-yakka vaziyatda darvozani ishg‘ol qilib, jamoasiga g‘alaba keltirgan gol muallifiga aylandi.

Ushbu g‘alabadan keyin «Energetik-BGU» o‘z ochkolarini 41taga yetkazdi va peshqadamga aylandi.

Belarus chempionati, 20-tur
Energetik-BGU – Neman 2:1 (1:0, 1:1)
Gollar: 1:0 – 38 Abduxoliqov, 1:1 – 52 Yakimov, 2:1 – 90 Husanov.
Energetik-BGU – Lukashevich, Makushinskiy, Svirepa (Chul, 64), Makavchik, Kokayev, Pashevich (Turich, 64), Silinskiy (Omelyanchuk, 76), Rilach (Ageev, 85), Husanov, Abduxoliqov, Papariga (Grishenko, 57).
Neman – Vasilyuchek, Karpovich, Shalashnikov, Jimo, Yakimov, Jukovskiy (Anyukevich, 83), Legchilin, Saviskiy, Pavlyukoves, Yablonskiy (Sakuta, 88), Pasevich (Varaksa, 46).
Ogohlantirishlar: Shalashnikov (5), Yablonskiy (34), Pashevich (45).