Беларусь чемпионатининг 20-турида «Энергетик-БГУ» клуби ўз майдонида «Неман»ни қабул қилиб, қийин ғалабани қўлга киритди.

Баҳснинг 38-дақиқасида Бобур Абдухолиқов жарима майдони ташқарисидан чиройли зарба билан ҳисобни очди. Бу ўзбекистонлик футболчининг жорий мавсумдаги 20-голи бўлди.

Иккинчи бўлим аввалида эса меҳмонлар ҳисобни тенглаштиришга мувафақ бўлишди. Ўйинга қўшиб берилган дақиқалар энди бошланган пайтда Абдухолиқовнинг узатмасидан кейин Абдуқодир Ҳусанов яккама-якка вазиятда дарвозани ишғол қилиб, жамоасига ғалаба келтирган гол муаллифига айланди.

Ушбу ғалабадан кейин «Энергетик-БГУ» ўз очколарини 41тага етказди ва пешқадамга айланди.

Беларусь чемпионати, 20-тур
Энергетик-БГУ – Неман 2:1 (1:0, 1:1)
Голлар: 1:0 – 38 Абдухолиқов, 1:1 – 52 Якимов, 2:1 – 90 Ҳусанов.
Энергетик-БГУ – Лукашевич, Макушинский, Свирепа (Чуль, 64), Макавчик, Кокаев, Пашевич (Турич, 64), Силинский (Омельянчук, 76), Рылач (Агеев, 85), Ҳусанов, Абдухолиқов, Папарига (Грищенко, 57).
Неман – Василючек, Карпович, Шалашников, Жимо, Якимов, Жуковский (Анюкевич, 83), Легчилин, Савицкий, Павлюковец, Яблонский (Сакута, 88), Пасевич (Варакса, 46).
Огоҳлантиришлар: Шалашников (5), Яблонский (34), Пашевич (45).