"Arsenal"ning Yevropa ligasi doirasidagi PSV bilan o‘yini va APLning 8-turi o‘yinlari qoldirilishi mumkin.

Yelizaveta II uchun motam tadbirlari munosabati bilan polisiya yetishmasligi sababli, payshanba kuniga belgilangan Yevropa ligasi guruh bosqichidan o‘rin olgan “Arsenal” – PSV o‘yini o‘tkazilishi hozircha aniq emas.

Premyer-liganing 8-tur o‘yinlari ham so‘roq ostida. Ularni ko‘chirish mumkin, chunki 19 sentyabr, dushanba kuni bo‘lib o‘tadigan Yelizaveta II ning dafn marosimini tashkil qilish polisiyaning katta resurslarini talab qiladi, deb yozadi The Telegraph.

UYEFAning fikricha, "Arsenal" o‘yinidan tashqari barcha Yevropa musobaqalari o‘yinlari belgilangan tartibda o‘tkaziladi.

Avvalroq, Chempionlar ligasi guruh bosqichidan o‘rin olgan “Reynjers” – “Napoli” uchrashuvi 13 sentyabrdan 14 sentyabrga ko‘chirilgandi. Shuningdek, marhum qirolichaga hurmat belgisi sifatida Premyer-liganing 7-turidan o‘rin olgan barcha o‘yinlar qoldirildi.