"Арсенал"нинг Европа лигаси доирасидаги ПСВ билан ўйини ва АПЛнинг 8-тури ўйинлари қолдирилиши мумкин.
Елизавета II учун мотам тадбирлари муносабати билан полиция етишмаслиги сабабли, пайшанба кунига белгиланган Европа лигаси гуруҳ босқичидан ўрин олган “Арсенал” – ПСВ ўйини ўтказилиши ҳозирча аниқ эмас.
Премьер-лиганинг 8-тур ўйинлари ҳам сўроқ остида. Уларни кўчириш мумкин, чунки 19 сентябрь, душанба куни бўлиб ўтадиган Елизавета II нинг дафн маросимини ташкил қилиш полициянинг катта ресурсларини талаб қилади, деб ёзади The Telegraph.
УЕФАнинг фикрича, "Арсенал" ўйинидан ташқари барча Европа мусобақалари ўйинлари белгиланган тартибда ўтказилади.
Аввалроқ, Чемпионлар лигаси гуруҳ босқичидан ўрин олган “Рейнжерс” – “Наполи” учрашуви 13 сентябрдан 14 сентябрга кўчирилганди. Шунингдек, марҳум қироличага ҳурмат белгиси сифатида Премьер-лиганинг 7-туридан ўрин олган барча ўйинлар қолдирилди.
